Söfn
Safnahúsið Ísafirði — Gamla sjúkrahúsið
Safnahúsið stendur við Eyrartún á Ísafirði. Það hýsir Bókasafnið Ísafirði, Skjalasafnið Ísafirði, Ljósmyndasafnið Ísafirði og Listasafn Ísafjarðar.
|
|
Í Safnahúsinu er einkar vel hugsað um gesti á öllum aldri. Í dagstofu safnsins á 2. hæð er hægt að setjast niður og glugga í blöð og tímarit. Á 2. hæð er einnig sýningarsalur hússins þar sem jafnan eru fjölbreyttar sýningar í gangi. Á fyrstu hæð er barnadeild safnsins útbúin með þarfir yngstu gesta safnsins í huga.
Skrifstofur starfsmanna eru á efstu hæð hússins.
Aðgengi fyrir hreyfihamlaða er norðanvert við húsið. Þar er m.a. lyfta fyrir hjólastóla.