Leiklistarhópur Halldóru

Undanfarin sjö sumur hefur Leiklistarhópur Halldóru haldið sumarnámskeið fyrir börn á Vestfjörðum og þetta sumar verður engin undantekning.

Sumarnámskeið 2025 eru fyrir börn á aldrinum 6 – 13 ára (fædd 2012 – 2019). Það verða tveir hópar á hverju námskeiði og þeim er skipt eftir aldri. Eldri börnin fá meira krefjandi verkefni og passað er að þau yngri fái öll verkefni sem þau ráða við. Allir þurfa að læra texta utanbókar en ekki er krafist þess að textinn sé æfður heima en það er í boði að taka handrit með sér heim eða geyma það í æfingahúsnæðinu. Lögin verða öll aðgengileg með og án söngs, hér á síðunni.

Á námskeiðinu verður farið í leiki bæði úti og inni, æft leikrit með söngvum og dönsum, farið út í góða veðrinu og unnið saman að flottri leiksýningu sem sýnd verður fyrir aðstandendur að loknu námskeiði.

Það þarf að koma með tvöfalt nesti, vera í þægilegum inniskóm og klædd eftir veðri. Það er gott að vera í þunnum fötum til að dansa og hreyfa sig inni en vera með góð útiföt líka. Maður getur fengið flís af gólfinu svo inniskór eða strigaskór eru mikilvægir.

Námskeiðið hefst klukkan 9 alla morgna og því lýkur klukkan 15. Á föstudeginum er leiksýning fyrir aðstandendur en nánari upplýsingar um sýninguna berast þegar námskeiðið hefst. (Staðsetning gæti breyst eftir veðri og mögulega verða tvær sýningar)

Skráning