Leikjanámskeið fyrir 1.-4. bekk

Ísafjarðarbær býður upp á leikjanámskeið fyrir þau börn sem eru að ljúka 1.-4. bekk í grunnskóla, fædd 2015-2018.

Námskeiðin verða á eftirfarandi dögum:
10.-13. júní, verð 5.000 kr.
16.-20. júní, verð 5.000 kr.
23.-27. júní, verð 6.125 kr.

Skráning og nánari upplýsingar um námskeiðið er á Abler.

Námskeiðin eru alla virka daga frá kl. 9-12. Krakkarnir geta fengið vistun frá kl. 8:30 án skipulagðrar dagskrár.

Dagskráin samanstendur af fjölbreyttri útivist og hreyfingu:

• Leikir og fjöruferðir
• Hjólaferðir og fjallgöngur
• Sund og íþróttagreinar
• Skemmtilegar ævintýraferðir og margt fleira!

Skipt er upp í hópa eftir aldri, 1.-2. bekkur og 3.-4. bekkur eru saman. Í vikunni 16.-20. júní eru 3.-4. bekkur í golfi í Tungudal.

Mæting er við íþróttahúsið á Torfnesi.

Á öllum námskeiðunum er nesti borðað um miðjan morgun og koma allir með hollt og gott nesti að heiman.
Rétt er að taka fram að öll börn fædd 2015-2018 eru velkomin á íþrótta- og leikjanámskeið Ísafjarðarbæjar.

Nánari upplýsingar veitir Dagný Finnbjörnsdóttir, íþrótta- og æskulýðsfulltrúi, netfang: dagnyf@isafjordur.is. 

Yfirþjálfarinn Daniel Badu sér um skipulag og þjálfun.