Íþróttaskóli Ísafjarðarbæjar

Íþróttaskóli Ísafjarðarbæjar er fyrir börn í 1-4. bekkjum í grunnskólum Ísafjarðarbæjar. 

Skráning

Í íþróttaskólanum er boðið upp á grunnþjálfun, boltaskóla og sund, auk þess sem skíði og snjóbretti eru í boði á vorönn.

Markmið skólans eru að:

• Fá sem allra flest börn til að iðka íþróttir
• Fyrstu kynni barna af íþróttaiðkun sé jákvæð
• Börn fái að kynnast sem flestum íþróttagreinum
• Auka gæði þjálfunar
• Lækka kostnað heimila við íþróttaiðkun barna
• Auka grunnþjálfunarhluta æfinga, almenna hreyfingu, hreyfiþroska og hreyfigetu

Upplýsingar um æfingar og skráning fer fram á Sportabler.

Börnin geta valið allar greinarnar og eða einstaka grein. Iðkendur á Flateyri, Suðureyri og Þingeyri geta einnig skráð sig á æfingar sem fara fram á Ísafirði.

Æfingastaðir og búnaður

Á Ísafirði fara allar æfingar í grunnþjálfun og sundi fram á Austurvegi. Boltaskóli fyrir 1.-2. bekk fer sömuleiðis fram á Austurvegi. Boltaskóli fyrir 3.-4. bekk fer fram á Torfnesi.

Skíða- og brettaæfingar fara fram á skíðasvæðunum í Tungudal og Seljalandsdal.

Á Flateyri, Suðureyri og Þingeyri fara æfingar fram í íþróttahúsum á hverjum stað þegar að þjálfari hefur verið ráðinn.

Upplýsingar um nauðsynlegan búnað, undirbúning og fleira vegna skíðaæfinga eru á vef Skíðafélags Ísfirðinga.

Yfirþjálfari

Yfirþjálfari íþróttaskólans er Lára Ósk Albertsdóttir. 

Allar fyrirspurnir skulu berast á netfangið ithrottaskoli@isafjordur.is.